President Putin’an COVID-19 Vaccine A Dawng Dawn, A Vaccine Lak Tur Hming Erawh Thuruk Niin Khawvel Hriatah Puan A Tum Lo

Khawvel Politician-te zinga che maksak leh pa tak Vladimir Putin chuan vaccine a dawn tur thu Kremlin thuchhuah chuan tarlangin, a vaccine dawn tur hming erawh thuruk a nih thu khawvel mite hriat Kremlin chuan a puang.

Kremlin Spokesman Dmetry Peskov’an reporter-te a hrilhdanin, “President Putin vaccine dawn tur hi a hming tarlan kan tum lo a ni. Russian vaccine siamchhuah 3 te chu a him tawka a rintlak em em bawk” tiin a sawi.

Putin hian vaccine a dawn tur thu hi vawi in March 23 zing takah a sawi lang tawh a, tlailam hian pek a ni dawn niin Peskov chuan a sawi a ni. A vaccine dawn tur hi Russian kutchhuak ngei a ni thu a sawi tel bawk.

President Putin chuan camera hmaa vaccine lak chu a thil tum leh a lunglen zawng ani lo tih Kremlin Spokesman Dmetry Peskov chuan a sawi a ni.