Your Daily News

Norway-ah COVID-19 Vaccine Pfizer Dawngtu Mi 23 An Thi, An Zinga Mi 13-te Chu Nursing Home A Damlo Enkawl Mekte An Ni

0 846

Norway-ah BioNTech Pfizer COVID-19 vaccine dawngtu mi 23-te chu vaccine an dawn hnu, nikhat chhungin an taksa ah harsatna langchhuakin an thi tih hriat a ni. An zinga mi 13-te chu Pfizer vaccine side effects vanga thi niin New York Post chuan a tarlang. Heng mi thi 13 te hi nursing home a damlo enkawl mekte an nia, an vai hian kum 80 chunglam vek an ni.

Norwegian Medicines Agency a chief Physician, Sigurd Hortemo sawidanin heng mithite hi a tlangpuiin vaccine an lak zawha an taksa a nghawng lo lang, luahchhuak leh khawsik vanga thi an nih thu a tarlang bawk.

Hetih lai hian hriselna lama thawktute chuan an ngaihthatlohna lam an tarlang duh lem lova, tun dinhmunah Norway mipui mi 30,000 hnenah COVID-19 vaccine Pfizer hi pek a ni tawh a ni. Agency medical director Steiner Madsein chuan he thihna hian agency lamah engmah hlauhthawnna a thlen lo niin a sawi bawk.

Heta tanga chiang taka lang ta chu BioNTech company siam chhuah Pfizer vaccine hian him lohna chin tlem awzawng chu a nei ngei niin a sawi theih a ni. Damlo taksa derthawngte tan a him lo leh zual niin an sawi bawk. Zirtawpni thleng khan mi 29 te chuan side effects an tuar a, mi 13 in an thih phah tawh bawk a ni. Norway ah hian mi 58,202 in COVID-19 an kai tawh niin official-te chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!