Your Daily News

Kum 30 Ral I Kai Hnu Pawhin I Mawina A Chuai Mai Loh Nan Hengte Hi Ti Thin Ang Che

0 1,140

Hmeichhiate hian a bik takin kum 30 ral kan kai tawh hnu pawn “I va tleirawl ve”, “Tunlai chu i lang no tawp” etc..tih tawngkam ang chite hi kan lawma, kan lo senior ve deuh tawh a nih pawhin lan mawi leh lan tleirawl kan tum tlat thin.

Chuvangin i mawina vawng nung tur leh no hnap reng i duh chuan hengte hi lo ti ve thin ang che.

(1) I hmelthatna a chuai loh nan leh langno tur chuan i taksaah tui a tam tawk tur a ni. Chuvang chuan i lan no hnap theih nan nikhatah tui no 8 tal in thin ang che.

(2) I taksa leh rilru a lo hrisel zawk nan exerxcise la fo la, rim taka tih a tul lo. Nikhatah darkar 1 vel a tawk lek.

(3) Zanah mut i kham ngei tur a ni. Mut i kham lo a nih chuan i taksa a chau anga, chu chuan i hmelah hlimlohna a thlen thei. Nikhatah a tlem berah darkar 7 tal mut tum ang che.

(4) Rilru hriselna lam ngai pawimawh la, i rilru ngaihtuahna tihrisel tur lam thil ngaihtuah thin ang che.

(5) I vun tan incheina man tlawm uchuak ang chi chu hmang lo la, hengte hman ai chuan hman loh law law a tha zawk ani.

(6) I thutna ngaiah khan thu reng lo la, chetvel uar la len vah vel pawh hriselna atana a pawimawh tih hria ang che.

(7) Nangmah leh nangmah kha in duat thiam tum la, i nihna ah lungawi thiam tum tlat ang che. Kum a lo tam chhoh hian taksa piahlamah rilru ngaihtuahna hrisel neih a tul tak zet tih i hre reng dawn nia.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!