Hmeichhe tam tak chuan mipa tha lo tak lakah pawh an nunpum an hlan leh tawp mai thin. Hethil thleng fo thin hi Mizo-te kan la changkan loh vang nge? kan hmeichhiate hi an dawh theih vang zawk? kan hmeichhiate hian nuthlawi an hlauh vang em ni? Hmangaihna mit del vang zawk? Hmeichhe fing chuan a pasal tur uluk takin a thlang thin a,mita a hmuh leh a thinlung duh zawng chu a thluakin a filter thin a ni. Mipa kumkhua a chelh tlak-te chu ingaihzawn lai atangin hengte hi an nunah a rawn lang chhuak mai thin ….
1.Nangnena inkungkaih thilah chuan thilhote a lang pawh nise a hriatpui reng ang che.
2. Nangnena inkungkaih thilah chuan engkim inhawng takin a sawi thin ang, duh zawng/ duh loh zawng i sawi /hrilh ngam nan a inhawng hle ang.
3. I nuih theih nan kawng a dap thin ang.
4. I ngaihdante a ngai pawimawh anga, a ngaihdan nichiah lo mahse thinrim loin a sawipui thin ang che.
5. Midangte karah a hmangaihna che a lan tir thin ang.
6. I thu tlukna a ngai pawimawh thin ang. A rilrem loh zawng tak a lo nih pawhin tha takin a remtih loh chhan a hrilh ang che.
7. A hmangaih zia che a hmuh tir fo ang che, a hun leh a hmun dikah.
8. Super man anga chak nilo mahse, him tak leh hlim takin a siam thin ang che. I lungngaih changin khawiah emaw i hlim theih nan a hruai thin ang che.
9. Ngaihzawng kawppui ang a, a en mai che piahlamah thian tha tak angin a en che a nga thil tam takah a rawn thin ang che.
10. In inkar a that reng theih nan a dawh thei hle ang che, In inhauhbuai loh nan a insum hram hram thin ang.
Mahse a chunga kan sawi tak mipa angte an thinrim tawh chuan Kumkhuain a i hnenah an rawn leh ngai tawh lo ang tih hriat tel a tha hle bawk.