Your Daily News

Khawvela A Hmasaber Atan Taksa Rihna Tihniamtu Tur khawl (Device) An Siamchhuak. He Thil Hian Social Media Lamah Sawi A Hlawh

0 812

Khawvelah a hmasaber ni turin taksa rihna tihniam thei tur khawl (Device) an siamchhuak ta der mai. He khawl hian khabe ruh hnuailam leh ka chunglam chu che thei loin a khar phui hmak thei a ni.

Weight Loss na khawl chikhat DentalSlim Diet Control an tih mai hi hapui hnunglam chung leh hnuaiah vuah a nia, hei hi activate a nih veleh ka chung leh hnuailam chu 2mm chauhin an ang zau theia, tuiril lam bakah engmah ka chhungah an thun thei lo a ni. Mahse, pangai takin an tawng theih bakah an thaw thei bawk.

He khawl ‘Intraoral tool’ changkang ang reng tak hi UK researchers-te leh University of Otago, New Zealand mithiam rualte chuan an siam chhuak a, he khawl hian magnet hmangin ka chung leh hnuailam chu a hipbet tlat thei a ni.

New Zealand, Dunedin hmuna enchhinna an neihna atanga a lan danin participants te chuan kar 2 chhung lek in 6.36kg an hloh thei tih an hmuchhuak a ni.

The British Journal in a report danin, Research lama hmahruaitu University of Otago a thawk lai Health Sciences Pro-Vice-Chancellor Professor Paul Brunton pawhin he Weight loss device hi a him thu leh rihna tihniam duhte tan man man zawka lei theih anih dawn thu a sawi bawk.

He weight Loss device hi mi tam tak chuan siam chhuah a nih thu an hriat veleh online lamah an nuihzat bakah fiamthu ang zawnga la lui talhte pawh an awm ve bawk ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!