Your Daily News

Hmeichhiate Tan Regular Taka Nupa Nun Hman Hian Kala Lungte (Kidney stone) Awm Amaha Chhuakin A Dam Thei: Study

0 1,661

Regular taka mipathmeichhiatna hman hian kal nâ leh kala lungte awm a ti dam thei tih zirchianna chuan a tarlang.

Hmeichhiate tan a bikin Chawlhkar khatah vawi 3 atanga vawi 4 vel nupa nun hman fo hian kal na neite zingah an harsatna a sukiang thei tih an hmu chhuak a ni.

Expert-ten an zirchianna atanga an hmuhdanin nupa nun hman laia chemicals insiamchhuak leh vawrtawp thlenna chuan kala tihrawl (kidney muscles) chu nasa takin a titawma hei hian a chhunga lungte awm (lian deuh) pawh a tichhuak (expel) ta thin tih an sawi.

A tlangpuiin kala lungte awm te hi surgery emaw shock wave therapy neih ngai deuh vek an nia, mi tlemte baka mahnia damchhuak sawi tur an awm mang lo a ni.

Researcher-ten hmeichhia kala lungte pai mi 70 zing atangin zirchianna a neia, heng 70 zinga a chanve (mi 35-te) chu karkhatah vawi 4, thla 1 chhung mipathmeichhiatna hmang tura tih an ni. A chanve dangte erawh an ngheitir thung.

Kar 2 a liam hnuah mipathmeichhiatna regular taka hmang 80 percent lai chuan an dampui tih an hmuchhuak ta a ni. Inpawlna hmangtu 51 percent chuan an kala lungte awm an paihchhuak (expel) tih an tarlang.

He an thil hmuchhuah thar chanchin lawmawm tak hi Avrasya University, Turkey ami chuan The Journal International Urology and Nephrology ah an tichhuak nghe nghe. (The Sun)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!