Your Daily News

Hmaihupna Hmang Duhlotute Chu COVID-19 Mithi Ruang Phumna Tur Thlan Laihtir An Ni

0 1,325

COVID-19 hrileng mek chuan ram tin a tibuai a ni ber mai. Hei vang hian khawvel ram hrang hrangin an remchan dan leh mipuite tana tha tura an ngaih angin dan leh dun an siama, sawrkar dan siam bawhchhetute chu an phu tawk hremna pek an ni bawk.

New York Times in a tarlan danin Indonesia ramah pawh sawrkar dan siam bawhchhetu a piang chu COVID-19 natna avanga thite phumna tur, thlan an laihtir hmak tih a tarlang.

Khawlai leh hmun pawimawh bakah in lamah pawh nise, sawrkar dan zam “Mask vuah vek tur” tih dan dinglai bawhchhetute chu inngaihdamna tel hauh loin COVID-19 mithi thlan an laihtir tih an sawi a ni. Hei bakah hian mithi kuang chungah tawngtaina an neihtira, thenkhatte chu mithikuang chhungah an muttira COVID-19 hlauhawmzia an hriattir zui bawk.

Indonesia ram pawh khawvel ramdangte ang bawkin mithi an pung zela, thlan laitute an indaih tawh loh avangin thu awih duhlo leh sawrkar kalh zawnga che a piangte chu mithi thlan lai turin an innawr liam hmiah hmiah tih an sawi.

Tun dinhmunah Indonesia ah hian COVID hrik kai mi 225,030 an awm meka, mithi 8695 awm tawhin, 161,065 an dam chhuak tawh a ni. Tunah hian mi 55,000 chu enkawl mek an ni tih thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!