Hmai vun kua a zau tawh chuan, hmai a mawm hma thin em em a, inchei pawhin rei a daih thin lo. Sum tam tak sen ngai lo tura Skin care lama mithiam tena hmani a in lama inenkawl dan awlsam tak an sawi hmang hian lo ti ve chhin rawh rawh le.
1.Vur
Hmai fai taka kan phih hnuah Vur hian hmai hi dep thin tur ani a, hmai vun kaw zau a ti ziaawm hma hle niin an sawi.
2. Tui vawt
A hmasa berin hmai chu tui lum pep pep a phih hmasak tur ani a, chu chuan kan hmai vun kua a rawn tizau a nga, tichuan hmai phihna ( face wash ) hmangin dim te te a kan hmai hi nuai tur a ni, kan hmau kaw chhunga bal awmte chu a paih chhuak a nga hmai vun kua a zim phah tawh dawn a ni, tichuan tui vawt taka phihfai mai tur a ni.
3. Artui
Hmaiah artui kan hnawih hma hian fai taka hmai phih hmasak tur ani a, Artui chhungmu kha paih chhuah tur a ni, Artui chhunga a tuihnang var chin chauh kha hmaiah chuan hnawih tur a ni, tichuan a ro rap hnuah tui vawta hmai phih tur a ni.
4. Chini leh Olive oil
kan hmaia bawlhhlawh leh mawm awm thin um bo nan cosmetic man to tak tak lei a ngai lo. Chini thinpui fian, fian 2 leh olive oil thingpui fian, fian 1 pawlha chawh kawi tur a ni, Tichuan kan thil pawlhte chu hmaiah hnawihin minute rei lote massage tur a ni, Tichuan a ro hnuah tui vawta hmai phih tur a ni. Hei hi kar khatah vawi 2 atang vawi 3 a tih theih a ni.
Credit: MyHealth