HIV HRIVENNA  THAR AN HMU CHHUAK

Scientists te chuan hmeichhe tan HIV laka invenna thar an hmu chhuak a ni, tun hma chuan HIV laka inven nan condom hman thin leh anti-HIV drugs hman thin a ni a mahse tun tuma an hmuh chhuah thar erawh mitinin a kan pai natural immune system hmanga  HIV virus laka inven theih dan a ni. HIV hrik hian kan immune system a pawimawh tak T cells a ti buai thin a ni.

T cells te hian HIV  Virus hi an do let loh chuan HIV  hrik hi a in kai chhawn theih dawn lo a ni. Tun hmaa HiV hrivenna atan a an hman thin damdawite chuan hmeichhe tan harsatna a thlen thei a naupai an harsat phah thin a ni.

Tun tuma an hmuh chhuah thar hi hmeichhe chhunga dah mai tur a ni a, hei hian Hiv virus in a tih chhiat tur T cells chu a lo venghim dawn a, dawmdawi dang ai a rintlak mai bakah a man a tlawm zawk bawk thu an sawi a ni.

He zirchianna hi nawhchizuar tam tak Hiv nei lo hnen atanga zir chian a ni a, an customers Hiv natna vei te nen an mutdun pawhin a hlawh tling hle a, heng nawhchizuarte hian he damdawi an hman chhung chuan  HIV natna an kai thei ta lo niin an sawi. Eng vanga Hiv kai lo nge tih an zirchian leh na a an hmuh chhuah chu T cells te chuan Hiv natna hrik an do let loh vang niin an sawi bawk.

An zir chianna a hlawh tlin tak avang hian scientists te chuan tunna an siam chhuah a thunna thun chi chu thun ngai chi ang ni lo a, damdawi ang a ei mai theih turin a siam chhuak theih a ngem tih chu an inzawhna leh chona lian tak anih thu an sawi.