Norwegian influencer tleirawl kum 17 a upa in Vaccine Pfizer a dawn hnua a thil sawichhuah chuan social media lamah sawi a hlawhin a darh nasa tih an sawi.
Norway tleirawl kum 17 mi Emma tia koh chuan NRK a hrilh danin, corona vaccine Pfizer a dawn hnuah a hnute a than belh vak niin social media platform Tik Tok lamah a sawia, he a thusawi hian sawi a hlawhin, mi tam tak titi titamtu ber a ni.
Emma thil sawichhuah hi a tir lamah chuan fiamthu a ngai tam tak an awma, a hnuah an mahni ngeiin vaccine Pfizer an lak hnuah Emma sawi ang hian an hnute a thang vak tih an sawi lang ve bawk.
Doctor-te ngei pawhin he tleirawl kum 17 mi thusawiah hian thudik a awm ngei nia an rinthu a sawia, vaccine lak avang hian Lymph nodes an tih chu a lo marin a lo vung deuha, hei hian hnute chu nekin a hma aiin a lo puar lian ta niin an sawi a ni.
