Mahni duhdan leh ngaihtuahna baka rorel tum lo Russian President Putin chu kum 3 bak a dam dawn lo tih thu Russia Intelligent lam chuan an sawi.
FSB Office in a tarlan danin President Putin hriselna dinhmun chu a thalo hle a, cancer natna a vei bakah thluak lam natna Perkinson disease a vei tel niin a tarlang bawk. Hei vang hian Putin chu a thu hle hle thei lova, a taksa a khura chet vel pawh a harsat bawk tih a tarlang bawk. Hei bakah hian Spy hming tarlanloh sawidanin president Putin chu mitdel thei dinhmunah a ding mek niin The Mirror chuan a tarlang bawk a ni.
A hriselna a tha lo tih rawn nemnghet turin Ukraine, Chief Of Intelligence Major-General Kyrylo Budanov pawhin Putin chu damlohna a ngah hle tih a sawi a, heng a natna zinga tawrhhlelhawm ber chu cancer natna a ni a ti. Russia spy UK a tlanlut ta Boris Karpichkov pawhin Putin hriselna a tha tawk lo nia a chanchin an tarlan chu thudik a ni a ti ve bawk.
Spy leh Intelligence lamin an sawidan chuan Putin kum 69 mi chuan May 16 leh 17 ah operation a nei tih an sawi a, hetih lai hian amah enkawltu Doctor chuan kum 3 bak a dam loh tur thu a hrilh a, eng lai mai pawha doctor thiam enkawlna a mamawh tur thu a hrilh niin an sawi a ni.
