Your Daily News

Covid: China Sawkar In A Ram Chhungah COVID Origin A Ṭum 2-na Atan Chhui Nawn Leh Tum WHO Luh A Phal Lo

0 482

China sawrkar chuan a ram chhungah a tum 2 na atan World Health Organisation in Coronavirus pandemic lo chhuahdan bulthut chhui nawn leh a tumna chu a hnawl tih hriat a ni.

WHO chuan virus an hmuh hmasakna ber nia an sawi Laboratories leh a chhehvel area chu ennawn leh a duh tih tarlangin, he virus lo chhuahna bih tha leh tura China sawrkara dilna an thlen chu China in a ngaithla duh ta lo a ni.

Chinese Deputy Health minister chuan, WHO in an ram chhungah virus origin chhui nawn leh an tumna in a entir chu inzahpahlohna leh science thiamna lam hawia chopa a kawk zawk mah a ni tiin WHO a demna awka a chhuah zui nghal bawk.

A hma pawhin WHO expert team chuan Chinese viral Lab, Wuhan a mi chu virus lo chhuahna a nih theih lohdan an lo sawilang tawha mahse, tun hnuah helai chhehvel bak han mawhpuh mai tur a theory chuan an la hmu silo a ni.

Tunthla tir lam khan WHO head Dr. Tedros Adhanom Ghebreyesus chuan a thawh 2 na atan virus Origin chhui tum a nih thu a lo sawilang tawh a, thawh 2 naah chuan research institution lam an luhchilh dawn a ti a ni.

Ningani khan Mr Zheng chuan WHO in Coronavirus a tum 2 na atan an ram chhungah chhui nawn a tum lehna chuan a barakhaih hle tih a sawia, a chhan pawh China sawrkar Lab protocols bawhchhiahna a ni a ti bawk. He thil hi China sawrkar tan thil pawm theih a nilo a ti ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!