Covid-19 vaccine chu khawvel pumah a pek chhuah hna kalpui mek a ni. Hetih lai hian ral hmatawng leh kum upa lamte chu an tan natna kai theihna chance a san avangin thuneiten ngaih pawimawh hmasakah an nei a ni.
Khawvel hmun dang ang bawkin US, Florida state-ah pawh kum 65 lam tan vaccine pek chhuah hna kalpui tan a ni. Hetih lai hian Florida nu 2, Olga Monroy-Ramirez kum 44 mi leh Martha Vivian Monroy kum 36 a upate pawh atan vaccine thlen hun nghak thei loin, tar anga inthuamin an lo phi buai ve hle. Tualchhung vaccination centre-ah kalin, vaccine dawn hmasak an lo tum ve chhen tih hriat a ni.
ABCnews in a tarlan danin, nu 2 te hi an thil tumah an hlawhchham hlauh thung a ni. Thuneituten an hre chhuak nghal tih Orange County Health Director Dr. Raul Pino chuan a sawi.
An 2 hian Orange County Convention centre ah kalin tar angin an inthuam a, vawikhatna chu cards valid neiin an la ve ngei a, a vawi 2 na erawh an cards leh driving licence a an nihna chu a inmil lo tih an hre chhuak nghal a, Orange county Police-ten manin heng ang thil hi ti tawh lo turin an lo zilh a ni.
