Your Daily News

Coronavirus Vaccine Hmuhchhuah Beiseiawm Lutuk A Ni Ta Lo, Virus Hrileng Karah Khawsak Kan Zir Mai A Tul Hmel Ta: UK Health Sectetary Matt Hancock

0 755

Khawvel ram hrang hrangin tunlai natna laka invenna Vaccine chu hmuhchhuah ngei tumin an intlansiak meka mahse, he vaccine hi chuti maia siam awlsam leh hman theih tura chhawp chhuah chu thil beiseiawm a ni lo tih UK Health Secretary chuan a sawi.

He thu manganthlak tak hi health Secretary Matt Hancock sawi chhuakin he natna hrik vengtu tur vaccine chu siam chhuah mai a nih loh chuan he virus natna hrileng karah mihringten khawsak kan zir mai a tul dawn a ni tih UK sawrkara dinhmun pawimawh tak chelh mektu hian a sawi a ni.

UK health Secretary hian Sky News a hrilh danin tianga vaccine ber siam chhuah a nih tak lovah chuan virus hri darh tur laka kan him theih dan tur ngaihtuahin kan nitin nun kan hman mai a tul dawn a ni a ti bawk. Tunah phei chuan UK chu khawvel rama Coronavirus in a khawih nasat ber pawl niin mithiamte leh sawrkar thuneitute pawh an mang a ang tawh hle a ni. Puitling kum upa deuhte leh tar tawh upa tawh lam phei chu mahnia kar 12 tal inkhung hrang rih turin thupek an chhuah hial a ni.

UK a mithi tam lam chuan Spain leh Italy a leh pel tawha tunah hian mi 32000 vel lai thi tawhin Europe ramah mithi an tamna ber a ni chho tawh a ni.

Ram hausa leh thil ti thei bera ngaih US sawrkar chuan kum 2020 kum tawp lamah chuan Vaccine chhawp chhuah hman an inbeiseia tih a sawia, mahse an rama mithiamte chuan hei pawh hi thil chiang lo leh an presisent thil sawi chu a hma lutuk deuh mah niin an sawi ve thung. Khawvel hian eng ang dinhmun nge a hmachhawn tak ang le!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!