Your Daily News

A Fasen Thla 4 Mi A Pasal Bulah Dahin Nitin Hnutetui Hnektur Nei Ve Lo Nausen Dangte Tanpui Turin 2KM A Hla Damdawi In A Pan Thin

0 672

Nu tan nausen hnutetui ngaia an tap thawm hriat tluka ngaihthlak hreawm leh thinlung khawihtu hi a vang ngei ang le. Kabul Maternity ward beihnaa nausen tap thawm leh an authawm chuan nu ngilnei Firooza Omar ngaihtuahna chu a luah hneh kher mai. He pawikhawihna thleng ah hian nu, nausen leh nurse-te tiamin mi 24 lai an thi tih hriat a ni.

He thil lungchhiatthlak tak a thlen lai hian a fasen chu inah hnute a hne ve mek tih a sawia, chawp leh chilhin naute tap thawm chuan a thinlung a deng zawk tih sawiin khawngaihnain a khat tih he nu ngilnei Psychiatrist, kum 27 a upa chuan a sawi.

Firooza chuan nausen thla 4 mi a pawm ve meka a tan nausen dang nu nei lote leh hnute thlachhamte tanpuina hun remchang a ni tih ngaihtuah chhuakin he damdawi in beihnnaa nausen an nuten an thihsante leh hliam tuarte tan a inpe ta tih a sawi a ni.

A pasal chuan a nupui a thangbo hlanin an fate enkawl a lo tiam ve bawka, an chenna atanga hla vak lo Ataturk Children’s Hospital 2km vel a hla awmna lam panin a kal chhuak ta a ni. Helai hmunah hian hliam tuar nu leh naupang 100 chuang lai lakchhuah an ni.

Boruak ralmuang lo tak hnuaiah 2km vel a kal hnu chuan damdawi in chu a thleng ta a ni. Inchhung a luh chuan nausente chu an lo tap chul maia nurse-ten powder milk te an lo pe a mahse, nausen thenkhat chuan an lo hne duh bik lo tih a sawi a ni. Nurse-te nen inbiakna an neih hnu chuan nausen tap nasa zualte chu a hnute hnektir hmasa mai turin an ti ta a ni. A vawi khatnaah nausen pali hnenah inchhawk den denin a hnute chu a hnektira amah ngei pawh nausen khawngaihthlak takte a tanpui thei chu a nun a hlimin lawmnain a khat tih a sawi a ni.

Tiang hian a tahtawlin nausente chu a hnute tui nen a tanpui ta zel tih a sawia, Firooza nu entawntlak tak hian a hmeichhe puite pawh midang tanpui ngaite tan ke pen theuh turin a sawm nghe nghe a ni. A chhuanawm hle mai, malsawmna dawng tlak a va ni em!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!