Your Daily News

COVID Vaccine La Duhlote Chu An Ram An Chhuahsan Loh Pawhin Tân Inah Khung Tur An Ni Tih President Duterte Chuan A Sawi

0 826

Khawvel ram hruaitute zinga thawm ngah leh pa tak mai Philippines president Duterte chuan, a ram mipuite zawm ngei tur dan khauh tak duang lehin, tunlai COVID hrilreng mek karah vaccine la duhlo leh dan zawm lote chu na taka hrem an ni dawn tih a puang leh ta rup mai!

A hma pawhin President Duterte chuan an ramchhungah a ruka ruitheihthil tawlhrutute leh zuar thinte chu hriat chhuah an nih chuan dimdawihna tel lova kahhlum tur an ni tiin thuchhuah a lo siam leh tawh a ni.

COVID hrileng mek avangin ram tam zawkah chuan vaccine an inpe mek a, Philippines ah pawh ram pumah COVID-19 Vaccine pek chhuah tum mek a ni. Hetih lai hian mi tam tak chuan vaccine an hlaua, thuneitute tan pawh innawr a har hle bawk.

COVID-19 vaccine hian virus hrik za ah za in danglo mahse, kan taksaa natna hrik lut tur chu 75% vel lai maiin a dang thei tur a ngaih a ni.

President chuan June 21 khan an ram Philippines mipuite hnenah thukhauh tak mai tichhuak lehin, ram mipuite zingah COVID-19 vaccine la duh lote chu na taka vauin, a ram atanga hnawhchhuah emaw, anih loh pawn mana jail-ah khungin an mawngtamah vihsawk tur a ni tiin thu a pe zui nghal a ni.

Philippines hian vaccine a siam chhuah ve loh avangin, khawi ram Vaccine siam nge a hman dawn an la tarlang lo thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!