Your Daily News

COVID Lo Chhuahdanah China Sawrkarin Thudik Puang Duh Lova A Zepruk Tlat Chuan Natna Khirh Dang COVID-26 Leh COVID-32 A Thleng Dawn: US Experts

0 974

Khawvel ramdangten China sawrkar chu COVID Origin chhuina kawngah an puihbawm lohva an thawhpui that loh chuan natna khirh dang a thleng leh ngei dawn tih natna lama mithiam US Experts mi 2-te chuan an tarlang tih Bloomberg chuan a tarlang.

President Trump hun laia FDA Commissioner Scott Gottlieb sawidanin, SARS-Cov-2 Virus natna chu Wuhan Lab atanga putchhuah ani tih ngaihdan ring an pung zel a, an puhna hi China chuan thudik lo a ni tiin a hnialkalhna engmah a tarlang lo tih CBS News’s “Face the Nation” ah a sawilang bawk.

Scott bakah hian Texas Children’s Hospital Centre for Vaccine Development Co-director Peter Hotez pawhin, “Engtianga Pandemic hi lo intan nge a nih tih hriatlohna chuan hmalam hun lo thleng turah natna khirh zawk a thlen ngei dawn a ni” tiin, khawvel hma hun chu a hlauhthawnawm hle a ni a ti bawk.

NBC’s “Meet the Press” ah Hotez chuan “COVID origin kan hrefuhlo a nih chuan COVID-26 leh COVID-32 khawvel in a hmachhawn dawn a ni” tiin a sawilang bawk.

Hotez tawngkam dengkhawng tak hian President Joe Biden pawh a tiharh hlawl maia, Virus lo chhuahna chhuichiang a thathar thawh leh turin mithiamte a ko chhuak zui bawk a ni. US Intelligence Agency chu ngawrh taka natna lo chhuahdan zirchianga bei chhunzawm tur leh ni 90 chhunga an thil hmuhdan kimchang thehlut turin a ngen nghal a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!