Your Daily News

COVID-19 Vaccine Dose 500 Zet Tih Luihnaa Tichhetu Pharmacist Chu Bân A Nih Hnuah An Man Zui!

0 261

Report in a tarlan danin Winconsin Medical Facility a hnathawktu Pharmacist pakhat chuan COVID-19 Vaccine Dose 500 zet tih luihnaa a tihchhiat avangin a hna atanga bân a nih hnuah an man zui tih hriat a ni.

Aurora Medical Centre in thuchhuah a siam, FOX6 in a tarlannaah, Grafton hmuna hnathawk lai chuan Nilaini khan Moderna’s Coronavirus Vaccine bur (vials) 57 zet chu pharmacy refrigerator atangin a sawn chhuak tih a sawi. He a thil tih avang hian Pharmacist kum 46 a upa chu Ozaukee County jail-ah an kawl mek tih hriat ani.

“He mimal hnathawktu thil tih avang hian COVID-19 vaccine dawngtu tur ruat mi 500 chuang zet chu tihkhawtlai an ni” tiin Company thuchhuah chuan a tarlang bawk.

He thil thleng chungchang hi tualchhung thuneitute pawh hriattir an ni tawh a, worker in vaccine a tihchhiat chhan leh vang awm theite erawh Aurora Medical Centre lam chuan engmah mipui hriatah an puangzâr lo thung.

FOX6 in a tarlan danin FBI leh FDA te pawh he thil thleng chhuichiang tur hian an inpeih tawh tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!