Madhya Pradesh, Barwani District, Private damdawi inah hmeichhe pakhat Health Department a Clerk hna thawk lai chu Covid-19 ‘Covidshield’ vaccine thawh 2-na a lak hnuin a thi tih report-na chuan a tarlang.
District collector chuan Clerk hna chelh lai Rajni Sen chu thuneitute hnenah a thih chhan dik tak chhuichiang turin thuchhuah a siam zui bawk. Clerk hnathawk Rajni Sen chuan Thawhlehni tlailam khan vaccine a la, zan khawthim lamah a dinhmun chu a tha lo chho tih District Chief Medical Officer (CMO) Anita Singare chuan a sawi.
Hmeichhe vanduaina tawk ta hi private hospital-ah enkawl a nih hnuin zantlai tawh lamah a boral zui ta a ni. A ruang hi endik a nih hnuah Post mortem tih a ni dawn a, ni 3 chhungin report kimchang hriat theih beisei a ni.
Clerk hna thawk lai boral ta hi Covid-19 vaccine a lak hma ni 28 chhung khan hrisel lohna a neih awm hriat a nilova, MP health director pawhin a thihchhan dik tak an nghah mek thu a sawi a ni.
