Your Daily News

COVID-19 Vaccine A Lak Hnuah US Nurse In COVID-19 Kaiin A Damlo

0 445

COVID-19 hri laka invenna tur theih tawp chhuaha mithiamten an dap hnuah Pfizer, BioNTech company siamchhuah chu a tha ber tih hriat a nia, an hmang tan mek tawh a ni. US, California a awm Nurse hnathawk lai Mathew W kum 45 mi pawh December 18 chhunah Covid-19 vaccine pek a ni. Amah hi tualchhung damdawi in 2 ah damlote enkawlin hun a hmang mek a ni.

Vaccine a dawn hnu reivak loah a ban a na deuh tih mai loh chu nghawng thalo amahah a awm lo niin an sawi. Damdawite hian side-affect tlem tal erawh an nei tura ngaih a ni. Vaccine a lak atanga ni 6 liam hnu, Krismas urlawk dawn zana a lo haw hnu chuan a nuamsam lo tana test an neihsak hnuah Covid-19 a lo nei reng tih an hmu chhuak zui a mak an ti hle.

Family Health Centres of Santiago, Dr. Christian Ramers chuan, “Thil awihawm lo tak a ni. Mathew hian vaccine a lak hmain COVID hrik hi a kai tawh a ni mahna” tiin a sawi. Damdawi an pek hma kar 2 velah hna a thawk tana, vaccine a lak hnua natna kai a nih chuan chhuizui a tul dawn tih thuneitute chuan an sawi.

Covid-19 damlo enkawltute zingah pawh harsatna tawk an awm nual maia, invenna damdawi an lak hnuah pawh natna kai sawi tur an awm niin an sawi a, Dr. Ramers chuan vaccine lak tawh avanga inthlahdah a that loh thu leh hmaihupna hman leh kutsil ngun te chu a pawimawh reng thu a sawi ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!