Your Daily News

Covid-19 Natna Do Nan Generic Steroid ‘Dexamethasone’ Chu Hlawhtling Taka Enchhin Niin Result Tha Tak Hmuh A Ni

0 409

“Major breakthrough”

Steroid chikhat ‘Dexamethasone’ hian Covid-19 natna natna avanga thihna chu nasa takin a tihniam tih hriat a ni. He steroid hi damdawi ina damlote na zualte enkawl nan enchhin a nih hnu result tha tak an hmuh thu mithiamte chuan an sawi.

He damdawi hi UK lama enchhina kalpuitu scientist-te chuan he an damdawi enchhin hi RECOVERY tia vuahin an trial resulta an hmuhchhuah chu hlawhtlinna ropui tak a ni tih an sawi.

An sawidanin he steroid mantlawm leh awlsam taka neih theih mai chu reilote chhungin hospital, Covid-19 enkawlna hmunahte damlo enkawlna atana hman tlanglawn ber ‘standard care’ a ni thuai dawn tih an tarlang bawk.

He damdawi ‘Dexamethasone’ hi damlo ventilators vuah mekte leh oxygen pipe vuah ngaia awm damlote hnenah pek a nia, nunna a chhanhim a ni tih trial kalpuitu mithiamte chuan an sawi.

Martin Landray, Oxford University professor, Co-leading trial leh a thawhpui Investigator Peter Horby-te chuan Dexamethasone, generic steroid natna dang enkawl nan pawh zau taka hman niin, “he damdawi baka Covid-19 avanga thihna titlem theitu damdawi dang a awm lo” tih sawiin hei hi a rintlak a ni tih an tarlang.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com