Your Daily News

COVID-19 Lo Chhuahna Zirchian Tum WHO Mithiamte Chu China In An Ramah Luh A Phal

0 286

COVID-19 lo chhuahna nia rin China, Wuhan khawpui chu WHO mithiamten endikna neih an tum mek lai a nia China sawrkarin a ram chhunga luh phalna a pek theih loh avangin an lut thei rih lo tih WHO Director Tedros in a sawi.

WHO mithiam thlanchhuah mi 10 te chu China ramah COVID-19 lo chhuahdan chhuichiang tura tirh an nia, engtin chiah nge COVID-19 natna hrik chu khawvel hmundangah a darh tih chhui chian an tum ber a ni. Kum 1 dawn a liam hnuah WHO in virus darhdan chhui a tumna chu miten an sawisel nasa hle. An hming chhiatna belhchhah turin WHO mithiamte chu China in an ramah luh an phal lo zui.

Hemi chungchangah hian WHO director Tedros chuan “China sawrkar chu an biak tur thu leh thil felfai tak an hriatchhuah ngei theih nan tan kan la dawn a ni” tiin a sawi ve bawk. He natna chungchang chhuichian hna chu hna pawimawh tak a ni a ti.

WHO in mithiam tirh a tumte zinga mi 2 chu China rama luh theihna nei tawh lote an nia, mi pakhat pawh hun rei nghak peih loin an ram lamah a kir leh niin an sawi. An ni bakah midangte pawh China sawrkar hian an ram luh theihna phalna chu pe duh tak ang maw!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!