Your Daily News

VIDEO | COVID-19 Avanga Tawng Hlei Theilova Hun A Hman Mek Laiin A Thinlunga Thil Awm Chu Violin Hmangin A Pholang

0 197

COVID-19 nata zet hi zawng a va nunrawng teh lul em! Milian leh mite, mihausa leh rethei pawh a thliar hrang silo!

Music zirtirtu Grover Wilhelmsen chu COVID-19 avangin Utah Hospital-ah a thla tela enkawl a ni. A ka chu oxygen tube a hnawhphui tlat niin a thinlunga thil awm pawh a sawi chhuak thei meuh lo a ni.

Dinhmun khirh taka a awm lai leh zanah pawh mu thei lova damdawi in thima hun a hman mek lai chuan, damdawi lam thawkten theih tawpin an enkawla, hnathawktute hnen atanga hmangaihna a dawn zozai chu ropui a tiin a thinlung chu lawmna in a khat tak meuh a ni.

Wilhelmsen chuan Nurse Ciara Sase hnenah pen leh paper a dila, “Damdawi inah ngei hian ka lawmzia lantir nan violin ka perh duh a ni” tiin ngenna a siam ta a ni.

Welhelmsen ngenna mak danglam tak mai chu damdawi in lama thawkte chuan a lo remtihsaka, a nupuiin a Violin chu damdawi inah lo pein a thinlunga thu tam tak awm chu rimawi hmangin a phochhuak zui ta a ni.

Intermountain Healthcare, McKay-Dee hospital chuan social media lamah leh YouTube lamah he video thinlung khawih tak hi shared in mi tam tak thinlung a deng na hle. He a rimawi tum ri hian, amah anga positive ve te pawh hlimna leh beiseina thar a pe nasa hle tih an sawi a ni. (Video)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!