Your Daily News

Coronavirus Tidam Thei Nia Sawi Damdawi Mak Tak ‘MMS’ Hralhtu Pafa Police-ten An Man

0 553

Florida lam mi Mark Grenon kum 62 mi leh a fapate, Joseph-te chu US Federal Food, Drug and Cosmetic Act dan bawhchhiaah puh an nih hnuah police-ten an man tih hriat a ni.

Thawhlehni, August 11 khan Colombia top prosecutor chuan Mark leh a fapa Joseph-te chu Colombian thuneitute chuan Santa Marta ah an man tih a tarlanga US ah thawn nghal an ni tih a sawi. Mark Grenon leh a fapa Joseph kum 32 mite chu Coronavirus damdawi mak tak, ‘Miracle Mineral Solution’ Chlorine dioxide atanga siamchhuah chu Colombia atangin United States, leh Africa lama an thurualpuite hnen ah pek an tum tih hriat a ni.

Prosecutor sawidanin he damdawi ‘Miracle Mineral Solution’ hman avang hian Americans mi 7 an thi tawh tih a tarlang bawk.

Mark hi Florida Church, Genesis II Church of Health and Healing-ah ‘Achbishop’ inti niin he kohhran hian kohhran kalphung hmangin sawrkar dan leh dun pumpelh an tum tih prosecutor chuan a sawi a ni.

Grenon te pafa hian he MMS damdawi hian damlohna zawng zawng a tidam thei deuh vek tih an sawia COVID-19, Cancer, HIV bakah Alzheimer’s leh damlohna hrang hrang tihdam nan a tha niin an sawi. COVID-19 darh hma pawh khan he damdawi hi Grenon-te chhungkua hian an hralh daih tawh tih an sawi bawk.

CBS Miami report danin Grenon leh a fapa Joseph an man lai hian Biak inah Muriatic acid 50 gallons leh solution siamsa Sodium chlorite 8,300 pounds an hmuh thu an sawi.

The Gaurdian report danin April thla liam ta ah khan Mark Grenon chuan president Trump hnenah ziaka hrilhin an thil siamchhuah MMS chuan COVId-19 hrik a that thei tih a hrilha, he damdawi hi pawmpui turin a lo ngen tawh tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!