Your Daily News

China Sawrkar Hlaua US A Tlanlut Ta, Dr Li-Meng Yan Virus Expert In Hrileng Chungchanga Thudik Inthup A Puanna Chu

0 1,794

Dr. Li-Meng Yan hi virology leh immunology lama mithiam bik, Hong Kong School of Public Health hna chelh lai niin April 28, 2020 khan a pasal leh a hmangaih tak a fate kalsanin China a chhuahsan a ni.

Yan hian China sawrkarin a chungah thil thalo a thlentir a hlauh avangin US ah a tlanlut tih a sawia, US a thlen hnuah Fox News chuan kawmna nei nghalin China sawrkar chuan Covid-19 natna hi a tirah vantlang hriata a darh hma khan engkim a hre vek tih a sawia, a ruka research a kalpui chu a supervisor pawhin a hrelo tih a tarlang bawk.

“US a ka luh chhan pawh Covid-19 chungchangah thudik ka puanchhuah vang a ni” tih Yan chuan a sawi. A hnathawhna Laboratory hi WHO pawhin Laboratory rintlaka a ngaih niin Yan hi SARS natna ang tak mai virus chanchin zirchiangtute zinga Scientist pakhat a ni tih a sawi a ni.

China rama Centre for Disease Control and Prevention lama hna thawk lai, a thian pakhatin December 31, 2019 khan Coronavirus natna chu mihring leh mihringa inkaidarh theih a nih thu pawh a hrilh tih a sawi a ni. Hetih lai pawh hian an hotupa chuan ngaihsak duhloin a hna chu thawk chhunzawm mai turin a ti tih a tarlang bawk.

Yan hian China sawrkarin Virus kai mi thahnem tak chu enkawlna a pe duhlo niin a sawia a natnate a hun tak hmuhchhuah tumna leh enkawl tha pek a tum hauh lo a ti bawk. Doctorten he hri hi an hlaua, CDC staff-te pawh an khur a ni a ti bawk.

Tiang hian China chetdan zawng zawng chu a sawi chhuah tak hnu chuan Yan chuan a nunna chu hlauhthawnawm ah a awm a ni tih hre nghalin a theories thenkhatte chu US-based Hong Kong blogger a thian pakhat hnenah a hlana US a tlan luh chu a tih ngei a ngai ta a ni. Yan hian a pasal pawh US ah a ruala kal ve mai turin a ngena mahse, a pasal hian lo hnarfithla nghalin an chhungkua chu thah mang an nih hlauin a fate nen a kalsan ta a ni.

US lama a luh hnu hian FBI chuan Yan hi lo hmuin darkar rei tak chhung an kawm nghe nghe. China sawrkarin Yan chenna hmun Qingdao chu an luhchilh nghala a nu leh pate hnenah a chanchin zawtin a chenna in pawh an suasam zui bawk.

Yan hi US a luh hnuah University of Hong Kong chuan a page bakah a online portal leh email-te pawh an thiahsak nghal a ni. Dr Li-Meng Yan chuan Hong Kong University Member staff a ni tawh lo tih a sawi tel bawk.

US a Chinese Embassy ve thung chuan he mihring hi an hriat ngai mi a nih loh thu sawiin China sawrkar chuan natna a darh tantirh atangin theih tawpin hma a la tih a sawi lang ve nghala, China chetdan chu rinhlelh tur a awm lo tih tarlangin thuchhuah a siam zui ve ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!