Your Daily News

China In Khawvel Manganna Belhchhahin Tick-borne Virus Avangin Mi 7 An Thi Tawha, Mi 60 In An Vei Mek

0 1,044

Wuhan market atanga darha ngaih COVID-19 avangin khawvelin hunkhirh a tawng meka, China sawrkar rinngam lohna leh khawvel ram dangte pawhin an inhlauhsiak mek bawk.

Hetih lai mek hian China ah natna hlauhawm dang a darh leh mek niin thuthang hriat tur a awm leh ta. He natna hi Tick-borne virus avanga lo awm niin mi 7 lai in an thih phah tawha mi 60 zet in an vei mek tih media lam chuan Wednesday khan an report a ni.

He natna chhuak thar hi mahni mihringpuite hnen atanga kaitheih a nih rin niin mipuite chu fimkhur tura ngen an ni.

Global Times in a tarlan danin he natna SFTS Virus hi East China, Jiangsu Province ah mi 37 in an kaia, East China, Anhui Province lamah mi 23 dangten an vei mek bawk tih a tarlang.

Nanjing, Jiangsu khawpui ami chu he tick-borne virus hi a vei tih hmuh chhuah niin a khua a sika, a khuh bawk tih an sawi. Hei bakah hian doctor-te chuan he damlo taksaah Leukocyte leh blood platelet -te pawh a tlahniam tih an sawi ani. Thla chuang fe enkawlna pek a nih hnuah damdawi in atangin chhuahtir a ni tih an sawi.

Anhui leh East China, Zhejiang Province-ah mi 7 an thi tawh a ni. He SFTS virus hi thil thar teh lua a nilova 2011 kum khan China in a natna siamtu ber (pathogen) chu a lo isolate tawh tih sawiin Banyavirus zinga ami a nih thu pawh an sawi lang.

Virologists-ten an sawi danin he natna hi saphihrik seh atanga kai theih a nih thu an sawia, mahni mihringpuite hnenah thehdarh theih niin boruak ah a leng lo thung tih Insider Paper chuan a tarlang. A tlangpuiin saphihrik sehna atangin he natna hi kaidarh a ni tlangpui tih an sawi bawk.

Zhejiang University hnuaia affiliate hospital-a thawk lai doctor Sheng Jifang chuan mihring leh mihringah inkai chhawn theih anih leh nih loh chu chiang taka hriat a nilo tih sawiin thisen inpek chhawn atang erawh chuan a kai theih tih a sawi. A mak thin e.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!