SARS-CoV-2 virus chuan natna dang dang a hrinbelh nasa a, COVID-19 hri a darh vak hnua natna langsar leh hlauhawm tak pakhat chu Black Fungus (Mucormycosis) hi a ni.
Damlo Black Fungus natna veite hi a hun taka enkawlna tha pek an nih loh chuan thihna a thlen thei a ni.
HUNBI NEIA KA CHHUNG TIHFAI
- Ka chhung tihfai hrim hrim hian black fungus natna bakah Viral leh fungal infection kan tih natnate hi a lo dang thei a ni. Dentist-ten Black Fungus lak atanga kan him theih nan kâ tihfai hi thil pawimawh tak a nih thu an tarlang a ni.
- Ministry of health in a tarlan danin, he black fungus natna hi COVID-19 damlo damchhuak leh te leh dam lo mekte zingah hmuh a nia, a chhan awm thei nia lang chu ICU a Oxygen hmang thinte hi hmun hnawng (humidifier) zinga awm an nih avangin Black Fungus natna hi an kai awl bik tih hriat a ni. Hei vang hian Oxygen therapy tih nan Sterile water hman a tha.
Black Fungus hi steroids hmang nasate leh diabetis vei enkawlthat lohte hian an kai duh em em bawk a ni.
- Ka tihfai ngun a tha. Covid-19 natna atanga dam chhuakte zingah steroids leh damdawi dang hman avangin ka chhungah fungus leh bacteria an inthlahpung theia, Black Fungus kaina chance a sang hle bawk a ni. Chuvangin nikhatah ka vawi 2 nawhfai a tha a, ka tihfaina lam pang hmanrua leh damdawi hman ngun a tha.
- COVID-19 natna atanga dam tawhten an ha nawhna hmanruate hnawlin, rang takin natna kai lo leh thianghlim in an thlak nghal a ngai a ni. Hunbi neia ha nawhfai thin tur ani.
- Hanawhna (toothbrush) leh leitihfaina (tongue cleaner) te hi natna thahna hlo hmanga tihthianghlim a tul. Hei bakah hian antiseptic mouthwash hman a tha bawk.
