Your Daily News

A Vunna Natna Mak Tak Avangin Vansang Lukhum (Space Helmet) Kum 20 Chuang A Khum Tawh

0 408

Mohammedia, Morroco rama cheng Fatima Ghazaoui, kum 28 mi chu kum 2 mi lek a nih laiin vunna natna mak tak a pianpui tih hriat a ni. A nu leh paten a vun landan a dik lo tih an hriatchhuah hnu chuan vun natna (Xeroderma pigmentosum) a vei tih an hmuchhuak ta a ni.

Xeroderma pigmentosum natna neite hian nisa an ngam lo hle a, ultra violet radiation in an taksa a chhun tlang a nih chuan an vun chu tichhiain a insiam tha leh thei tawh lo a ni. Hei bakah hian natna dang laka an him lova cancer veina chance pawh a sang hle tih doctor-te chuan an sawi.

He hmeichhe lainatawm tak mai hian a vun natna mak tak avang hian kum 20 chuang zet chu lukhum telloin pawn a chhuak ngai lo tih a sawia, englai pawhin NASA vansang lukhum chu ni eng laka atanga inhumhim nan a khum thin tih a sawi.

“Ka ni hman ve dan chu midang nen a danglam a ni, midangin zan hun an hman mek laiin ka ni a in tan ve chauh” tiin a sawi nghe nghe.

Nitin hun khirh leh hun harsa tak chu hmachhawnin a vun venhim nan darkar tin Sun cream SPF 30 chu a hnawih nawn reng thin bawka a tan chuan he khawvel nun reng pawh chu phurrit tak a ni ta hial a ni.

Thiante bulah hlim taka lehkha zir pawh duh ve thin mahsela a natna chuan pan lai nunhlimna zawng zawng pawh a lak bo sak ta a ni. A lainatawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!