India ram, Goa-ah chenna in neilo pa pakhat chu chhan hriat miah loin park ah a ruang chhar a ni. A thih chhan hriat chhuah tumin doctor-ten an endik nghal a, autopsy result a chhuah meuh chuan a lung (heart) chu chinai sak takah changin mihring organ pangai a nihna chu a lo hloh tan der tawh a ni.
Dr. Bharat Sreekumar pawhin heng ang thil mak danglam leh damlohna case vang tak hi a hriat ngai loh thu a sawi a, damdawi lam mithiamte pawh a tihrilhhai hle a ni.
Autopsy an tih lai hian a lung chu an phawrh chhuak a, a lung chu damlo pangai lung aia a rih zawk thu leh a sak zawk thu an sawi. A pianphung leh hmelhmang erawh a inthlak danglam lutuk lo niin an sawi a, a rihlam erawh a pung niin an sawi bawk. A lung chu an zai hawnga, veilam ventricles zawng chu lungah a chang zo tawh nghe nghe.
A tlangpuiin heng lung thisen semtu lunga a lo chang thin hi endomyocardial Fibrosis (EMF) natna nen a inzawm duh tih Dr Sreekumar chuan sawiin, he case hi case vang leh awm zen zen lo a ni tih a tarlang thung.
Goa Medical College chuan chenna in neilo pa pakhat lung, lunga a chan dan thlalak microscope hmanga an hmuhdan chu mite hmuhah an pholang nghe nghe a ni.
