India ram, Gujarat, Pedlad hmuna khawsa kuthnathawktu Udesinh Vasava kum 41 a upa chu Doctor-ten darkar 2 leh chanve chhung zet a lu ruh hawnga operation an tihsak laiin pawhin harhvang takin doctor-te nen an inbe pawp reng tih hriat a ni.
Vasava hian thla 8 chuang zet lu na a tawrh avangin a khawsak phung chu a buai phah hle a, doctor a inentir hnuah a thluakah thi a tling (right fronto-parietal cavernoma) tih doctorte chuan an hmuchhuak ta a ni. A thluak lam a dik loh avang chuan a ban beilam leh a kawngchin hnuailam chu a che thei lo tih an sawi.
Thluak lam zai ngaite hi damdawi pek zawh hnua zai an ni tlangpui a, Udesinh natna erawh harh pangai laia zai ngai a ni thung tih Dr. Hitesh Patel, Charusat Hospital a thawk chuan a sawi.
Surgery an neih laiin Vasava chu doctor-ten a taksa peng thenkhat tiche tura an hrilh pawhin, felfai takin a lo tiche mai thin tih Doctor-te chuan an sawi a ni.
