Your Daily News

Nurse-in COVID-19 A Positive Tih A Hrilh Hnuin, A In Luahna Neitunu In Hnawtchhuak Zuiin Kawtthlerah A Vakvai

0 441

Philipines, Makati-ah nurse hnathawk lai chu COVID-19 a kai avangin a inluahna neitu nu in a hnawtchhuak tih hriat a ni. Tianga hnawhchhuah a nih hnu hian a vakvai tih an sawia, zan hun a lo thlenin kawtthlerah a mu mai thin tih an sawi.

Dr. Bezaida Beltejar sawidanin he nurse hnathawk lai, hmeichhe lainatawm tak hi medical insurance company-ah customer service representative hna chelh lai niin August ni 2 khan Coronavirus a positive tih hriat a ni.

A positive hnu hian a awmna Boarding House lamah hawin in neitu hnenah a positive thu a hrilha, lo tanpui a hnekin a hnawtchhuak ta zawk a ni.

He nurse lainatawm tak hian interview a hmachhawnnaah a sawidanin inneitu nu chuan a room mate lo haw hmaa room chhuahsan turin a hrilh tih a sawia, kalna tur dang nei loin a vahvaih fe hnuah Pasay hotel ah a insuanlut tih sawiin ni 2 ral hnuah Olympia, Barangaya health centre lam a pan leh tih a sawi.

An khawlamah haw duh viau mahse zin veivahna motor a awm loh bakah a negative hma chu khawiah mah kalchhuah an phalsak lo bawk nen, a chhungte a ngai thin hle tih a sawi a ni.

Tualchhung media tarlandanin mi tlawmngaiten South Avenue, Rizal Makati City ah August ni 5 khan an la phei tih an sawia, Quezon City, Quezon Insitute quarantine hmunah dah luh a ni tawh thu an tarlang.

PRC Chairman Senator Richard Gordon chuan nurse chunga thil thleng chungchangah Barangay official leh nurse hnathawhna company-te chuan mawh an phur tih a tarlang. Hei bakah hian Makati City Mayor, Abigail Binay pawhin he thil thleng hi chhuichiang turin thuchhuah a siam tawh tih hriat a ni. A khawngaihthlak hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!