Your Daily News

Ni 102 Ral Hnuah New Zealand-ah COVID-19 A Kir Leh

0 198

AP report danin New Zealand ram chuan COVID-19 in an ram a chhuahsan atanga ni 100 tlinna an lawm zo chiaha chanchin thinṭhawng tak hriat tur an nei ve leh ta tih tarlangin COVID-19 natna chu an ramah hmuhchhuah thar a ni ve leh ta tih a tarlang. New Zealand Health Authorities chuan he virus hi khawi atanga lo lut nge tih chhui zui nghalin Lockdown kalpui an tum tih hriat a ni bawk.

Thuneitute chuan hrikai thar mi 4 hmuchhuakin an zinga pakhat chu Auckland hmuna khawsa niin khawi atanga a lak nge tih an hre thei mai lo a ni. Hei hi ni 102 hnua tualchhung atanga inkaichhawn hriat hmasak ber a ni bawk.

Heng hri kai zinga mi 2 chu kar liam ta khan tourist hmunpui Rotorua ah an zin tih tarlangin symptoms an neih hnuah test nghal an nia an 2 hian an positive tih hmuhchhuah a ni. Tunah hian an sulhnute chhui zui mek a ni tih thuneitute chuan an sawi.

Health Director-General Ashley Bloomfield chuan Rotorua mipuite chu an hriselna ngai pawimawh hmasa tur leh an taksa lamah harsatna an nei a nih chuan rang taka thuneitute hriattir thuai turin an ngen tih a sawi.

Ni 100 chuang Coronavirus an hnawhbo tawh hnuah tianga hri kai thar an neih leh avang hian hmuntinah inralrinna an tlangaupui mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!