Your Daily News

China In Coronavirus Vei Mithi Ruang A Halna Hmunpui Ni Ngei Rin, Sulfur Dioxide Level Sang Tak Insiamna Wuhan Hmun Pakhat Chu Satellite In A Man Fuh Hlauh

1 1,026

Khawvel ram tak takah COVID-19 avanga nunna chan an pung chho mek zela khawi mahin an ram dinhmun dik tak chu thuhruk leh zep theih pawh an nei thei ta meuh lo. India ram ngei pawh COVID-19 vei tam lamah khawvela hmahruaitu dinhmun hial a thleng chho ta a ni.

Wuhan chung zawna Satellite hlimthla lo lang hian khawvel mite ngaihtuahna a luahin China Communist sawrkar rintawk lohna a belhchhah ngeiin a rinawm. Wuhan hmun pakhat ah mithi ruang hal nasat avanga sulfur dioxide (SO2) chimchin (level) lo sang ta vak mai chu satellite atangin a fiah hle tih mithiamte chuan an sawi.

China sawrkar in an rama virus avanga thi zat chu chiang takin puang lo mahsela Wuhan khawpui chu Coronavirus lo chhuahna bul leh mithi an tamna ber a ni tih chu mite bengah a fiah em em a ni. Hei bakah hian Sulfur dioxide level a sanna hmun Wuhan bakah natna veite Quarantine-na hmunpui Chongqing City chung zawn pawh SO2 hi a sang hle tih an sawi bawk.

Czech-based weather service, Windy live map screenshot atanga a lan danin Wuhan-ah hian SO2 level chu ni hnih khat lek chhungin micrograms per cubic meter 1,350 a thleng chho tih a tarlang.

Meaww in a tarlan danin Scientist-te sawi danin ruang hal lai in emaw damdawi lam bawlhhlawh (medical waste) leh fossil fuels hal a nihin SO2 thahnem tak a tichhuak tih an sawia, hei vang hian helai Wuhan hmuna SO2 level sang tak hmuh a nih hnu hian China sawrkar chuan mithi ruang tam tak a rukin a hal ngei a ni tih a tichiang a ni tiin internet lamah pawh sawi a hlawh phah hle a ni.

Wuhan hmuna Coronavirus avanga thite chu an ruang hal nghal zel an nia, rinhlelh rual lohin ruang kang alh hian SO2 a siam nasa tih an sawi bawk. China sawrkar chuan mithi zat dik tak khawvel hriatah a puang duhlo tih chu vawiin ni thleng hian khawvel in a ring nghet bur bawka, heng mithi ruangte hi a ruka hal a ni thin tih chu mithiamte ngaihdan leh satellite hlim atang pawhin a rinawm ta hle a ni.

  1. mamuana says

    in thu post te hi social media velah chhuahchhawn in phal em

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!