Your Daily News

A Hmelhriat Ngailoh Nunna Chhan Tuma A Beihnaah A Hlawhchham Avangin A Ṭap Chiam

0 1,903

COVID-19 hrileng karah heng ang mi ngilnei leh tlawmngai hi hmuh tur an awm kher awm love. Khawvelah hian mi tha tak tak leh mi inpe tak takte an lo la awm reng a ni tih he nula hian a rawn pholan avangin a lehlam takah chuan a thlamuan thlak hle mai.

September 12, 2020 tlailam dar 3 velah Malaysia, Negeri dawr, chhuatlai takah pa pa pakhat chu a tlu tawp mai a ni.

A thil ei mek laiin a tlua a kianga lo awm ve midangte pawh chuan mak an ti hle a, dawra lo awm ve nula pakhat, medical student chuan rang taka lo che chhuak nghalin a nunna laklet leh tumin theih tawpin a awm ah a nem vak vaka a bei nasa hle a ni.

A lungphu a neih let leh theih nan CPR a ti nghala tianga a tuamhlawm lai mek chuan a thenin Ambulance an ko a, Ambulance leh doctor-te an lo thlen chuan a nunna chu chhan hman a nih tawh loh thu an sawia nula chu a ṭap zawih zawih tih an sawi.

A kianga lo awm ve midangte chuan an lo hnem ve bawka, “I theih tawp i chhuah alawm, tap tawh suh” tiin an lo tawng chhuak ve nghal a ni.

Online lamah pawh he hmeichhe thil tih chu fakawm an tiin “I thiam loh a ni love, theih tawp i chhuah tak meuh a ni” tiin a mittui titla lo turin an lo hnem zui ve bawk a ni. A fakawmin a ngilnei tak zet a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!