Former Disney star leh beauty mogul kum 30 mi leh ‘The Chainsmokers’ musician kum 33 a upa Drew Taggart te chu an inngaizawng ngei tih finfiah a ni ta!
Closer musician Drew leh Gomez te hi Chawlhni liam ta khan New York City Bowling alley-ah an indate lai hmuh a nih thu US Weekly chuan a tarlang a, an in date lai thlalak te chu Page Six chuan mipui hmuh theih turin Online lamah a pholang zui bawk.
Hmanni lawk khan Drew Taggart leh Apple Co-founder Steve Jobs fanu naupang ber Eve Jobs kum 24 mi nen an inthen a, hemi hnu hian Singer Selena Gomez nen boruak an nei zui ta a ni. A hmain Taggart chuan model Haley Rowe, Meridith Mickelson, Chantel Jeffries te a lo kawp tawh bawk a ni.
Selena erawh October, 2017 kuma The Weeknd nen an inthen hnu khan ngaihzawng lamah a boruak a dai hle a, ngaihzawng mumal a neih awm hriat a ni lo thung.
Mi tam tak chuan Selena Gomez-in Drew Taggart a kawp hi an duhpui lo hle niin an sawi a, hun liam tawha Drew chetdan chuan a tilawm vak lo a nih hmel.
