Your Daily News

VIDEO: Live Show An Neih Laiin Brass Against Singer In A Fans-te Zinga Pakhat A Zunkhum Avangin Na Taka Sawisel Leh Dem a Hlawh!

0 1,237

Live Show An Neih Laiin Brass Against Singer In A Fans-te Zinga Pakhat A Zunkhum Avangin Na Taka Sawisel Leh Dem a Hlawh!

Brass Against hmeichhe rocker in an band Live show an neih laiin a fans pakhat stage-ah a zunkhum a, he a chetdan mawilo tak avang hian sawiselna namen lo a tawk tih hriat a ni. Heti chung chung hian zaithiam ti deuh thetthawt chu a nilo tiin thiam a la inchan ta tho a ni.

New York lam chhuak zaithiam Sophia Urista, Brass Against frontwoman chuan Rockville Festival-ah a zai laklawk lai tak maiin amah lo thlirtu mipui pungkhawmte hriatah intihthawl lawk a mamawh thu a sawi a. “Bathroom kal thei ka nilo, ka zun a ngai tlat mai” tiin a fans te chu a hrilh zui a, he a khawsak dan chipchiar tak leh mawilo taka a chetlai video chu social media lamah a darh zui ta a ni.

Tianga a fans te thu a hrilh zawh hnu hian, Rocker Sophia chuan a fans te zinga pakhat chu dawhsanah a hruai chhova, stage ah zal turin a hrilh zui bawk. Tianga a fan pakhat a mut zawh chuan a mawng a hlima a zunkhum ta ngat ani.

Hmeichhe Rocker maksak Sophia Urista chetdan mawilo tak chungchang chuan Police te beng a thleng nghal thuai a, thubuai a awrh thei dinhmunah a ding zui ta bawk tih Independent chuan a tarlang.

Daytona Beach Police spokesman Messod Bendayan sawidanin, zaithiam khawsakdan chungchangah hian complaint an dawn zui thu a sawi a, criminal investigation division lam chuan thil thlendan an chhui zui nghal tih a tarlang a ni.

Tualchhung chanchinbuin a tarlan danin, mipathmeichhiatna lam hawia vantlang mipui hmaah inpholan leh mawilo taka khawsak chu dankalh a nih thu leh kum 1 jail tan theih a nih bakah $1,000 chawi theihna a nih thu a tarlang tel bawk.

Singer maksak takin a fans te zinga pakhat a zunkhum lai video chu social media lamah a darh zui a, mi tam takin Sophia chetdan chu mawilo an tih bakah dankalh a ni tiin an sawisel nasa hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!