UFC 276-ah Fighter Israel Adesanya’an Khumparh Khuma Octagon A Pan Danah ‘The Undertaker’ A Tawngchhuak!
UFC 276 chu Nevada, T-Mobile Arena, Paradise-ah Sunday tuk liam ta khan nghah a ni a, thlirtu mipui pawh an thahnem hle. He hunah hian WWE hotu lawkte pawh an hmel hmuh a ni bawk.
He UFC 276, Main Event-ah hian UFC Middleweight Champion lai Israel Adesanya chuan a belt hum lehin, a beihpui Jared Cannonier chu unanimous decision (49-46, 49-46, 50-45) in a hneh a ni.
He Main Event hmuhnawm tak bakah hian, thlirtu mipuite mit la em em mai thil pakhat sawi hmaih hauh loh tur a awm a, chu chu Middleweight Champ Israel Adesanya-a Octagon a luh dawn a incheidan hi a ni.
Octagon pana a luh lai hian Israel chuan WWE Superstar ‘The Undertaker’ music a hmang a, a music bakah hian khumparh a khum tel bawk. Hei chauh a la duh tawk lo, mihring halna vâp dahna bel lai kiar (urn) a pawm tel bawk a, he bel lai kiar-ah hian a beihpui tur hming a ziak lang bawk a ni.
Ariel Helwani chuan Israel Adesanya chetdan leh a style a copy chungchangah ‘The Undertaker’ chu tiang hian zawhna a pe a, “Israel Octagon entrance a incheidanah khan enge sawi duh i neih?” tiin a zawt a.
The Undertaker chuan, “Israel Adesanya hi fighter tha tak a nih mai bakah entertainer ropui tak a ni. Tyson Fury chu a tlu a, UT angin a thu tung leh nghal a, Israel in ka walkout a hmang bawk a, a pui hem hem a ni” tiin a chhanna a pe a ni.
