Your Daily News

A Bialnu Ka Hup Nana Sum $3 Millions Pe A Puh McMohan Chu WWE CEO A Nihna Hlihsak Niin A Fanuin CEO Nihna A Chelh Dawn.

0 6,458

WWE CEO leh Chairman ni bawk Vince McMohan kun 76 a upa chu Company Board in sum dik lo taka chheprelhah a puh a, CEO a nihna chawlhsan turin a hriattir. WWE Board chuan chhuichianna an neihnaah, an Company sum $3 million chu Vince McMohan chuan nu pakhat a hnuaia thawk leh khatih laia a bialnu ni bawk hnenah a ka hup nan a pe tih a tarlang a ni.

Tianga company hotupa ber a chetchhiat tak avang hian WWE CEO leh Chairman atabn a fanu Stephanie McMohan chu CEO dinhmun chelh lailawk turin a ruat nghal a ni.

Wallstreet Journal in a tarlan danin, McMohan bialnu nia an sawi hi kum 41 a upa a ni tih a tarlang a, an inngaihzawn chhung hian a hnuaia thawk a bialnu hlawh chu 100k atang 200k ah a tipung a, double in salary a lo pe thin tih an chhuichhuak bawk a ni.

Hun a kal zela a bialnu hian WWE a chhuahsan a, an inkar boruak chu ngawihbopui tura thlemin, a ka hup nan sum $3 million zet chu a pe zui ta a ni. Heng thil te avang hian Vince McMohan chu a fanuin a dinhmun a luah dawn ta tih board thuchhuak chuan a tarlang.

Company thuchhuahin a tarlan danin, a chetdan an chhui mek lai hian CEO Vince chuan WWE ah a mawhphurhna leh a tihtur erawh a hlen a tul dawn a, chiang zawka chhuichianna kalpui lai mek a nih avangin a fanu chuan a ai a awh rih dawn tih an sawi.

Stephanie McMohan kum 45 a upa chuan a chhungkaw lam ngaihtuahna avangin company atang hian a chawl lailawk nghe nghe a mahse, board lamin thufunna an tihchhuah hma zawng chu WWE CEO nihna a chelh a tul dawn tih an tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!