Tik Toker leh Fashion influencer kum 23 a upa Mahek Bukhari chu a nu pasal pawm lai bialpa nia an sawi Saqib Hussain kum 21 mi thattua puh a ni.
Oxfordshire, Banbury a khawsa Saqib Hussain hian Tik Toker Mahek Bukhari chu a saruak thlalak leh videos hmangin blackmail a tum tih Prosecutor chuan tarlangin, tiang hian a che zui niin a sawi. Hei bakah hian Hussain chuan a nu nen an inkar thu pawh mite hriatah puandarh tumin a vau zui bawk a ni.
2022, February thla liam ta khan Leicester, A64 bulah car tlan lai chu chesualin thingkung a su chawrh a, car hi a kang zui a, a chhung a chuang Saqib Hussain leh mi pakhat dang Hashim Ijazuddin te chu a hmunah hian an thi nghal a ni.
Hussain te chuanna Skoda Fabia car chu kawngpuiah a tlan lai mekin Car dang 2 in an lo dang a, tiang hian Car chu chesualin Hussain leh a chhunga chuang ve Ijazuddin te chuan an thih phah ta a ni. 999 call chhangtu Police te chuan thil awmdan chhui zui nghalin Tik Toker Mahek Bukhari hian a nu bialpa nia an sawi Hussain that turin misual 7 a ruai tih an hrechhuak ta a ni.
Tun dinhmunah thubuai kal lai mek a nih avangin tualthattua puh Influencer leh Tik Toker Mahek Bukhari hian eng ang hremna nge a hmuh dawn hriat a la ni rih lova, hremna erawh a nep lo hle tur a ngaih a ni.
