Your Daily News

Thikthu Chhiat Avangin A Bialnu Hlui Vawi 26 Lai A Vit

0 2,899

July 31,2020 zan khan Thailand tlangval pakhatin thikthu chhiat avangin a bialnu hlui chu vawi 26 zet a chemin a vit tih hriat a ni. Tlangval Sai Nyar Na kum 42 a upa leh a bialnu kum 37 mi chu an inthena, an inthen atanga thla 2 hnuah a bialnu hlui chuan ngaihzawng mipa dang neiin a ngaihzawng neih chu a bialpa hluiin a thik ta em em ringawt mai a ni.

Tianga a bialnu hlui in bialpa dang a kawp hnu hian an inhnial buai fo tih an sawia, July 31 zanah a va leng pheia lungdam taka inthen mai chu harsa a ti ni ngei tur a ni, an inhnial buai ṭan leh ta a tlangval Sai Nyar Na chu thinrim thutin choka ah a tlan pheia chemte chuhin a bialnu hlui chu vawi 26 zet a vit tih an sawi.

A thi tawhah ngaiin hmeichhia chu a tlansana a chetdan chu CCTV in a lo man kiau mai ani. Vanneihthlak takin bialnu hlui chu a thilo hlauha damdawi in lamah enkawlin a dinhmun pawh a zia chho viau tih sawiin ICU atanga lak chhuah a ni tawh tih an sawi.

Sai Nyar Na, misual hi Chiang Mai police-ten zawngin August 4, 2020 zan khan an mana, police-te hnenah “He thil hi tum lawk vanga ti ka nilo, tha taka inbiak ka tum laiin kan inhnialbuai ta a ka thinrimin ka vit ta mai a ni” tiin a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!