Thawhlehni liam ta khan Honduras hmeichhe tân ina misual pawl 2 te inbeihna avanga buaina chhuakah mi tang 46 an thi tih hriat a ni.
Honduras rama hmeichhe tân in hi Tegucigalpa khawpui atanga mel 30 a hla Tamara a awm a ni a, Thawhlehni tuk khan misual pawl 2 Barrio 18 leh MS-18 te chu he hmunah hian an inbei tih an sawi.
Assistant Commissioner for Honduras prison system Sandra Rodriguez Vargas sawidanin, misual pawlte hian zing Dar 8AM ah security te an hnawt fai niin a sawi a, gate an paltlang hnuah an intibuai zui ta a ni a ti. Misual pawl 2 inkara buaina chhuakah hian 8mi 46 zet an thi tih an sawi.
Honduran President Xiamora Castro pawhin, he thil thleng hi a nunrawnthlak tak zet tih sawiin, he pawikhawihnaah hian Street gang te an inhnamhnawih ngei tih a tarlang bawk.
Buaina a daih hnuin, thuneitute chuan heng tang thi ruangte hi an hmu a, a thente chu misual pawl nen inzawmna nei lo an ni tih an tarlang a ni.
President Castro chuan a sawrkarin he thil hi a en liam mai mai dawn lo tih a sawi a, pawi khawihtute chu man chhuah ngei an ni ang tih a tiam a ni.
