Your Daily News

Singapore Nu Pakhatin A Awmpui Chin Hmeichhia Rapthlak Zeta A Thah Thu A Inpuang

0 2,772

Singapore ram ah awmpui hnathawk tura lut hmeichhia engemaw zat inhlawh tum an thina, a thente chuan harsatna namenlo an tawka, tihduhdah tawrh avanga nunna hial chan tate pawh an awm a ni.

Hmanni lawk khan chanchin ngaihnawm lo tak hriat tur a awm leh ta tlat mai. Singapore ah nu pakhat chuan a awmpui Chin hmeichhe pakhat chu rawng tak leh rapthlak taka a thah thu a inpuang tih hriat a ni.

2015 kum khan Chin nu Piang Ngaih Don tia koh chu Singapore-ah awmpui hna thawka inhlawh turin a lut a. Tichuan, nu pakhat Gaiyathiri hnenah awmpui hnathawk turin an inbe rem a, phone khawih, thian neihlohte leh chawlh neilova hnathawk turin an insiamrem tih an sawi. Piang Ngaih Don hian fanu kum 3 mi a neia, a fa tan a hun chu a sacrifice tih a sawi nghe nghe.

Reilote hnuah chuan Gaiyathiri chu Piang Ngaih Don chungah a lawmlo tana, a hnathawhdan chu a lungawilo thei lo a ni. October thla tir atangin a hrem tana, chaw tlemte a pek bakah darkar 5 bak mut a phal lova, a tihduhdahdan kimchang chu CCTV in a lo man vek tih an sawi. Thla 5 chhungin 24Kg ah a taksa rihna a tlahniam hman a ni.

In neitunu Gaiyathiri chuan nitin a awmpui nu chu kut a thlak a, tihduhdahdan kawng awm thei zawng zawng hmangin a tiduhdah ani ber. Ek in leh inbual room-ah a luh pawhin kawngka khar a phal lo bawk. A sawisak fo avang chuan a ngaihtuahna pawh a buai zo a, a rilru a kim loh phah tih hriat a ni.

June 25, 2016 ah hnathawh thalo, muang lutuk mai tiin chhuanlam a siama, a vaw chiam tih an sawi a, mi pakhat Prema kohin kut a thlaktir leh ngat bawk. Awmpui nu chuan a ril tam thu a hrilh pawhin, “Zingah chaw i ei tawh alawm” tiin chaw loin a mutluih tir zui thin bawk ani.

A tuk zing dar 5:00am-ah a han kaithova, kaihthawh theih a nih loh avangin damdawi in lamah a hruaia, “A chawbel a chhuannaah a tlupalh” tiin doctor-te hnenah a sawi a, Doctor chuan a taksa chhiat zia leh a awmdan chu tihduhdah a nih ringhlelin Police lam a ko zui ta a ni. Doctor chuan awmpui nu hian hliam na tak a tawrh bakah a thluak lam a khawih tel avangin a thihphah ta a ni tiin Police-te hnenah a sawi.

Police-te hmaah a tir lamah chuan thiamthu a sawi nasa a mahse, a hnuah an awmpui nula chu a tiduhdah thin tih sawiin kut a thlak thin dan leh a chunga a khawsakdan rawng tak mai chu a inpuang fai ta vek a ni.

He hmeichhe sual hi hremna na tak pek a nih tur thu an sawi a, a ni bakah Prema leh inneitupa pawh thubuai siamsak an nih tur thu an tarlang bawk. Damchhung tan emaw kum 20 ai tlemlo jail bang zut chu a chan tur awmchhun a nih thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!