Your Daily News

Pawngsual Leh Tihduhdah Tuartu Hmeichhe Naupang Kum 7 Mi Chu Thih Mai A Thlan Zawk Thu Doctor-te A Hrilh Hnuah ICU-ah A Boral!

0 670

Hmeichhe naupang pawngsual leh tihduhdah tuartu kum 7 mi Yatziri tia koh chu vanduaithlak takin hun engemaw chen enkawlna pek a nih hnuah damdawi in ICU-ah Thawhtanni khan a thi tih tualchhung thuneitute chuan an sawi.

He hmeichhe naupang lainatawm tak mai hi a kum tela tihduhdah leh nghaisak a tawrh hnuin Mexico, Puebla, Hospital de Las Margaritas-ah dah luh a nia, a dinhmun hreawm tak avang hian amah enkawltute hnenah damdawi in atanga hawtir tawh lo tur leh, thihtir law law mai turin a lo ngên mawlh mawlh tawh tih hriat a ni.

Hmeichhe naupang lainatawm tak Yatziri chu a pa Rafael leh a nu, Alejandra-ten kut an thlak bakah a lo tiduhdah thin hle tih hriat a nia, a nu leh pa bakah a pate pawhin a lo pawngsual thin niin an tarlang bawk.

A taksa hriselna a that loh em avang leh a ruka rilru lamah harsatna a neih avang chuan an thenawmten damdawi in lamah an hruaia, a taksa an endikna result atanga a landanin Yatziri hi pawngsual a nih bakah sawisak a ni thin tih an hrechhuak ta a ni. A hnungzângah kang hliam a awm bakah, internal bleeding a neia a chuap pawh a chhe tel tih an sawi.

Damdawi in a thlen veleh doctor-te hnenah enkawlna pe lo turin a ngena, a thih chu atan a tha zawk tiin in lamah a nu leh pa hnenah haw leh ai chuan damdawi inah thih a thlang zawk tih a sawi a ni.

A nu leh pate hian hun liam tawhah pawh hremna an hmachhawn awm hriat a ni lova, tianga vanduaina rapthlak tak tawka thihna hial an fanu chungah a thlen tak ah chuan Puebla sawrkar chuan hmalak a tum tih an puang nghal bawk. Pawikhawihtute hi hrem lohin an chhuak dawn lo tih thuneitute chuan an tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!