Nu Pakhat Hnenah “Hnute lian” Tia Tawngkam A Chhak Chhuah Hnuah Buaina Chhuakin Chemtein An Vithlum
Reports atanga a landanin, pa pakhat chuan nu pakhat hnenah “hnute lian” tia tawngkam a chhak chhuah hnuah buaina chhuak zuiin a thih phah tih hriat a ni.
He tualthahna rapthlak tak mai hi May 9 khan Malaysia, Maleka City hmuna thleng niin an sawi a, chemtea an vihhlum tak hi kum 35 a upa, scrap metal leadership manager hna chelh lai a ni nghe nghe.
An sawidanin, Tengkera, Taman Kenanga Dawrah nu pakhat kum 26 a upa leh a bialpa bakah a boygaurd te chu an lut a, hetih lai hian scrap metal leadership manager kum 35 mi chuan zu rui chungin “I hnute a lian” tiin comment a lo pe ve a ni.
Tianga hmeichhe hnute chungchanga comment a pek hnu hian, hmeichhe bodygaurd chuan zui ruipa hi hmachhawnin an inhnialbuai nghal a, an insual zui ta a ni.
Hmeichhe bodygaurd bakah a bialpa chu lo inrawlh ve nghalin scrap metal leadership manager kum 35 mi chu an beihrawn ta a, a taksa hmun tam takah chemtein an vit lut niin Melaka Tengah OCPD Asst. Comm. Christopher Petit chuan The Star a hrilh a ni.
Mi kut tuara thi ta manager kum 35 mi chuan hmeichhia kum 26 a upa dawra a lut lai a hmuh chuan a hnute a len thu leh a khal thu chu sawi chhuakin, he a tawngkam hi hmeichhe bodygaurd leh a bialpa chuan an ngai thei lova, kut an thlak hnuah an vithlum zui ta a ni.
