Your Daily News

Mipa Naupang Kum 16 Miin A Nu Leh A Nau A Thah Hnuah Amah A Intihlum Zui

0 274

Southern Thailand-ah mipa naupang kum 16 a upain amah a intihhlum hmain a nu leh a nau mipa kum 14 mite a kaphlum tih hriat ani. An nufa ruangte hi Thawhṭan ni tuk khan Trang Province-a an chenna inah an hmuh thu an sawi.

Police-te chuan mipa naupang kum 14 mi leh a nu ruang chu bedroom-ah an hmuh thu an sawia, an ruang chu blanket in a intuam tih an sawi. An bul lawkah mipa naupang kum 16 mi chu thuchungin thia hmuh a nia, a hmai leh a banahte silai puakruka kahna hliam hmuh a ni.

Investigators-te sawidanin chhungkaw nu ber hi tualchhung bank pakhat-ah manager hna thawk lai a ni tih an sawi. Monday ni khan staff-te nen inhmuhkhawmna nei turin ruahmanna a siama, office lamah hmuh tur a awm tak loh avanga an ngaih thalo chuan thil awmdan an chhui zui ta nghal a ni.

Staff-te chuan in lamah a pasal phone hmanga biain a nupui chu khawnge a awm tih leh a chungah eng thil nge thleng ta tih an zawt ve nghala, a pasal chuan rang takin a nupui nau chu be nghalin an chenna in lam chu endik nghal turin a tir ta nghal a ni.

A pasal leh a nau hmeichhiate chu rang takin an in lamah tlan pheiin kawngka an tichhiaa a nupui leh a fate 2 ruang chu an hmu ta a ni. He thil thlen lai hian pa ber hi khawnge a awm tih tarlan a ni lo thung.

Police-te sawidanin mipa naupang hian a nu leh a nau mipa kum 14 mite chu a kahhlum hnuah amah a inkap ve zui niin an sawia thil awmdan chhuichian mek a ni tih an tarlang.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!