Your Daily News

Mipa Jail Tâng A Kan Laia A Fawhhlum Avangin Police ten Manin Tualthah Thubuai An Siamsak

0 1,043

Rachel Dollard kum 33 a upa chuan, ruihtheih thil thubuai avanga kum 11 chhung tang tura hremna an pek jail tang mek Joshua Brown chu February thla liam ta khan jail-ah a va kan a, he hunah hian Brown chu a fawphlum niin an sawi.

Joshua Brown hi Tennesse, Turney Industrial Complex prison-ah man a nih hnuin an khung a, Rachel Dollard chuan he tan inah hian va kanin, Brown nen hian an infawp zui a, hetia an infawh lai hian damdawi ruihtheih methamphetamine chu a ka chhung atangin Brown kaah a fah tih Tennesse Department of Correction chuan an sawi.

2029 a jail atanga chhuak tur Brown chu Rachel nen an infawh atanga rei vak loah tualchhung damdawi inah a thi ta mai a, a pumpuiah Meth fun chu keh zuiin a taksa a fan hnuah damdawi overdose in a thi tih doctor te chuan an nemnghet nghal a ni.

Brown thihna thuhlaah hian Rachel Dollard chu TDOC special agents te leh Dickson Sherrif’s Department tangkawp chuan manin, dan phalloh damdawi a kawl avang leh Brown taksaah damdawi a dahluh avangin second-degree murder case an awrhtir ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!