Report atanga a landanin pa pakhat chuan a nupui tuisoin a leih tih hriat ani. Tianga a nupui tuiso nen a beih chhan pawh, a nupuiin khuma a mu lai chu tukthuan ei turin a kaitho a, a pasal chu thinrimin tuiso in a leih zui tih an sawi.
Ali Ay kum 28 a upa leh a nupui Rukiye Ay kum 23 mite hi Turkey, Konya ah an khawsa a, an nupa hian fanu 1 nei tawhin, kum 5 chuang an innei tawh a ni. Chhungkuaa hlim taka an khawsakho mek laiin a pasal chu thawklehkhatah thinrim thutin, a nupui chuan a taksaah tuiso leihna hliam na tak a tawrh phat ta a ni.
A nupui Rukiye sawidanin a pasal chu a eitur engkim a peihfel sak tih a sawi a, surprise tumin a va kaitho ta a ni. Mahse, a pasal chuan a nupui rilru suangtuahna hre map lo chuan a thinrim thut mai a, a nupui chu thawklehkhatah tuiso nen a bei zui ta a ni. A hmaiah leih a tum zet a, a nupui chu inherin a hnungzangah a leih zui ta a ni.
Tianga a pasalin a beih hnu hian thenawmte inchhungah Rukiye chu a tlanlut nghal a, police-te call in a pasal khawsakdan chu a report ta nghal a ni. Pawikhawihtu Ali Ay chu police ten manin reilote hnuah bail in a chhuah leh tih an sawi.
Misualte hrem loha an chhuak fo mai chu mipui lam atanga sawiselna a nasat em avangin Ali Ay chu police-ten man lehin, an kutah an kawl mek tih hriat ani. A nupui chunga a khawsakdan hlauhawm tak avang hian Rukiye Lawyer chuan Ali Ay chu hremna na tak pe turin thuneitute a phut a ni.
