Your Daily News

Hmeichhe Naupang Kum 7 Mi Chu “Naute Hrin Dan Kan Zirtir” Tiin Rawng Takin An Nupain An Pawngsual

0 1,966

Florida nupa tuakte chuan hmeichhe naupang kum 7 mi rawng taka pawngsuala, kut an thlak avangin man an nia, thubuai siamsak nghal an ni. Hmeichhe naupang chuan a chunga thil duhawm lo tak thleng chungchang chu amah enkawltu (caregiver) hnenah sawichhuakin, nupa tuakte chetdan rapthlak tak chanchin chuan thuneitute beng a thleng ta a ni.

Kangthelh hna thawktu Angelio Pupa kum 32 mi chuan hmeichhe naupang kum 7 mi chu tharum nen beiin a pawngsual a, hetih lai hian a nupui, kum 27 mi Morgan Keene pawh chuan a lo thlir ve bawk tih an sawi.

Pawngsual tuartu hmeichhe naupang hi a hliam a na hle a, doctor hnena hruai loin an nupa hian a hliamte chu an thuisak tih hriat a ni bawk. Police-ten Affidavit an tihchhuah atanga a lan danin, nupa tuakte hian fa hrin dan zirtir an tum niin hmeichhe naupang chuan a sawi a ni.

Angelio Pupa leh a nupui Morgan Keene chuan he puhna hi a tir lamah chuan an pha nasa hle a, tunah erawh Morgan chuan a pasal chu mi kutthlak ching tak leh mipathmeichhiatna lam hawia kutthlak ching tak a ni tiin a puang zui ta a ni.

Pawngsual tawktu hmeichhe naupang hi hmun him lamah ah lakchhuak a nia, pawikhawihtu nupa tuakte chungchang chu chipchiar zawk a chhui mek a ni. Thiam loh an chang a nih chuan na taka hrem an ni dawn tih thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!