Your Daily News

Hmeichhe 2,500 Zet Lo Mutpui Tawhtu, Misual Chu A Bialnu Kut A Thlak Avangin Police-ten An Man

0 351

Hmeichhe kawp lawr ching tak personal trainer, Daniel Wagster kum 31 a upa hi Cheshire, Hale lam chhuak a nia, police-te sawidanin he misual hian hmeichhe 2,500 zet a lo mutpui tawh tih an tarlang.

He pa chimawm leh hmeichhiate chunga tharum thawha che thin hian a bialnu hlui chu kum 4 chhung zet hreawm takin a siam tih an sawia, Kum hmasa lama Amsterdam an zin tumin that a tum tih a bialnu hlui (hming thup) chuan police-te a hrilh.

Vawi khat pawh a mut reng laiin Wagster chuan a bialnu hlui chu kaithoin “I nghawngah ka rek hlum dawn che, kum 15 bak ka tan i ring a mi? Ka that chak ngawih ngawih che” tiin a vau zui tih a sawi lang bawk.

Phone call atang pawhin vawi tam tak vauna tawngkam a chhak chhuak fo tih hriat a nia, police-te hnenah pawh kal a hlauh loh thu Wagster chuan a bialnu hlui hnenah phone atangin a hrilh a ni.

Wagster bialnu hlui chuan police-te a hrilh danin a chhung leh khatte hnenah pawh Wagster in a tihduhdah dante hreawm a tawrhnate chu a sawi chhuak ngai lo tih a sawia, a chhungte hnenah dawt a sawi thin a ti bawk. Vawi 2 lai mahni nunna lak hial a tum tawh niin a sawi.

Wagster chetdan chuan thuneitute beng a thleng nghal thuaia Manchester Crown Court chuan a bialnu hlui chungah a chetdan mawi lo tak leh kutthlaka a lo tihduhdah thin avangin kum 4 tang turin hremna a pe zui ta a ni. Hei bakah hian a bialnu hlui chu 2025 thleng hnaih lo tur leh a bul hnaiah pawh chetla lo tura tih a ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!