Your Daily News

Bang A Zunkhum Avangin Kawngpui Lunlaiah Mi 4-in Kut An Thlak Hnuah An Vithlum Zui

0 8,399

Ningani liam ta khan Delhi khawpui bazar hmun lun laiah kum 25 mi Mayank chuan bang a zunkhum tih an sawi a, he a chetdan mawilo tak avangin an um zuia chemtein an vithlum zui tih Police te chuan an sawi.

Bang zunkhumtu a puh kum 25 mi Mayank hi hotel management zirlai a ni a, bang a zunkhum avang hian nu pakhat nen an lo inhnial tih an sawi. A hnialpui nu fapa chuan a lo hmuhin Mayank nen chuan an inhnial zui ve leh a, Mayank hian a hmaiah a beng nghe nghe.

Mayank hnialpui Manish thinrim chuan a thian a thiante a sawm khawm a, Mayank leh a thian Vikas te chu an um zui ta nghal a, kawngpui lun laiah an umphak meuh chuan kut an thlak ta chiam mai a, Mayank chu an vithlum der mai a ni. Mayank thihna kaihhnawihah hian mi 4 man an ni tawh a ni.

An sawidanin, Mayank hi South Delhi, Malviya Nagar DDA Bazar bulah bulah khawih hrawn a ni a, amah chemtea vittu te hi an tlanchhe zui tih an sawi.

He thil thleng duhawm lo tak hi CCTV chuan a lo la hman a, social media lamah shared a ni zui ta a ni. Mayank hi AIIMS ah dahluh niin, a hnuah a boral zui ta a ni.

Tualthattua puh mi 4- Manish, Rahul, Ashish leh Suraj te chu man a nih hnuah, Mayank an thah dan kimchang zawhna pek an ni a, an thah chhan dik tak chu zep neiloin an sawichhuak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!